Stresi ka udhëtuar jashtë Shqipërisë, për t’iu shmangur policisë, e cila e shpalli në kërkim për shkak të protestave të dhunshme, pas vrasjes së 25-vjeçarit, Klodian Rasha.
Reperi ka bërë një postim në rrjete sociale, nëpërmjet të cilit ka paralajmëruar të gjithë ish-miqtë se do iu bëjë një “diss” të fortë. Stresi tha se këtë këngë nuk ia kushton kundërshtarëve, por njerëzve të tij që e kanë tradhtuar.
Në videot e publikuara nga ai, nuk mungojnë as të sharat. Por, personi i parë që ka reaguar menjëherë pas këtyre fjalëve, është mamaja e tij. Ajo e ka këshilluar Stresin që të heqë dorë nga ky fjalor, sepse tashmë është në moshë të pjekur dhe nuk i ka hije.
“Fillo nga pak të heqësh fjalorin e pistë dhe të sharat në story! Djali im, je në moshë të pjekur e nuk të kanë hije tash se ke sedër dhe zemër të madhe. Fillo zemra ime e mundohu me ndryshu pak!”- i shkruan ndër të tjera ajo të birit.
Krah fotos që tregon bisedën me nënën e tij, Stresi ka shkruar: “Arsyeja pse nuk dua të jem i keq me njerëzit është nëna ime. Po do vijë dita juaj së shpejti!”
