Kryetari i Partisë Demokratike Lulzim Basha ka reaguar pas konferencës me gazetarë që mbajti kryeministri Edi Rama rreth menaxhimit të përmbytjeve.
Duke folur për gazetarët, kryedemokrati tha se me qindra banorë në Shkodër ndodhen nën ujë, ndërsa nuk mund të dalin për të marrë ushqime, medikamente e vuajnë për të çuar të sëmurët në spitale.
“Gjatë ditëve të kaluara kam qenë në zonat e përmbytura. I kemi parë me sytë tanë dëmet që janë shkaktuar. Edhe sot që flasim mijëra familje janë nën ujë, vuajnë për aksesin për të dalë nga shtëpitë. Janë pa medikamente. Jemi përpjekur të bëjmë gjithçka dhe do të vazhdojmë për t’u qëndruar pranë këtyre njerëzve. Kjo është e vetmja qeveri në botë që fatkeqësinë e shikon si mundësi për propagandë. Dhe njeriu që ka 8 vjet Kryeministër na tregon historikun e reshjeve në 20 vitet e fundit. Në fakt gënjen. Përmbytja ka ardhur nga kaskada. Ky vazhdon t’ju vëjë fajin të tjerëve. Kush ka qenë 8 vite Kryeministër? Tani në vend që të mendojë për hallin e këtyre njerëzve, del pa pikë turpi dhe flet sikur ka ardhur dje në qeveri. Kujt t’i kërkojnë llogari njerëzit? Çfarë po bën për t’i ardhur në ndihmë? 8 vite vetëm propagandë. Edhe fatkeqësinë më të madhe e merr dhe e shndërron në propagandë. Ky njeri është problemi i vendit, ky dështak prodhon vetëm dështime. Të bëhemi të gjithë bashkë dhe ta largojmë”, është shprehur Lulzim Basha.
