Gjermania kaloi sot pragun e dy milionë rasteve me COVID-19, ndërkohë që kancelarja, Angela Merkel kërkoi kufizime të riforcuara përballë pandemisë.
“Vendi më i populluar i Bashkimit Europian regjistroi 22 368 raste të reja me COVID-19 në 24 orët e fundit duke e çuar numrit total të infektimeve në 2 000 958”, njoftoi sot Instituti Shëndetësor, Robert Koch (RKI).
Ai njoftoi gjithashtu për 1 113 të vdekur gjatë 24 orëve të fundit duke e çuar numrin total në 44 994.
“Në një takim të udhëheqjes së lëvizjes së saj konservatore, Unioni Kristian-Demokrat, Merkel theksoi se virusi mund të përmbahej vetëm me masa të ashpra dhe kërkoi një takim të autoriteteve javët e ardhshme”, theksoi një burim që ishte i pranishëm në takim.
Ky burim konfirmoi informacionin e botuar në disa media gjermane.
Sipas faqes informative të revistës “Der Spiegel” dhe asaj të përditshme “Bild”, mes masave në studim bëjnë pjesë rikthimi i kontrolleve në kufi, ashtu si në pranverën e kaluar, përgjithësimi i mbajtjes së maskave të tipit FFP2, vendosja e punës nga shtëpia dhe mbyllja e transportit publik.
Ky vend me 83 milionë banorë ka filluar vaksinimin kundër COVID-19 në fund të dhjetorit.
