Një 41-vjeçar është vënë në pranga në Bllatë të Dibrës, pasi rezulton në këërkim ndërkombëtar nga autoritetet italiane.
Një ditë më parë, nga Policia Kufitare Bllatë, në bashkëpunim me strukturat e Hetimit të Krimit në DVP Dibër, në P.K.K. Bllatë është bërë kapja dhe më pas edhe arrestimi i përkohshëm me qëllim ekstradimin i shtetasit Kleant Keshi, 41 vjeç, banues në Bulqizë, njoftoi policia.
Të njëjtat burime shtuan se, arrestimi i përkohshëm u krye pasi INTERPOL Roma / Itali, më datë 07.01.2021 ka shpallur në kërkim ndërkombëtar shtetasin shqiptar Kleant Keshi, alias Gentjan Hysa, pasi Gjykata e Torinos / Itali, e ka dënuar këtë shtetas me 5 vjet, 5 muaj e 27 ditë burg për kryerjen e veprave penale “Prodhim dhe shitje narkotikësh” , “Vjedhje” dhe “Kundërshtim i punonjësve në detyre shtetërore” (u është larguar me forcë Karabinierëve ne Torino).
