Bayern Munich u eliminua mbrëmjen e djeshme nga Kupa e Gjermanisë, kundrejt një skuadre praktikisht të panjohur siç është Holstein Kiel, e cila militon në Bundesligën 2.
Bavarezët u dorëzuan te penalltitë, pasi kanë barazuar 2-2 në 120 minutat lojë. Një “goditje” e keqe për kampionët e Europës, të cilët, pas garës, sigurisht nuk e morën mirë atë që ndodhi. Mbi të gjitha Thomas Muller, i cili debatoi me një gazetar në kohën e intervistave.
Siç raportojnë “Bild” dhe “Metro”, lojtari i Bayern Munchen, dukshëm shumë i mërzitur nga eliminimi, replikoi me intervistuesin. “Ju më pyesni se çfarë mendoj tani, – filloi Muller. – Por, nëse jeni duke qeshur, si mund të përgjigjem”.
Nga ana e tij, gazetari mbrojti veten: “Unë nuk po qesh. E kuptoj momentin tuaj, por nuk po qesh”. Dhe Muller reagoi përsëri: “Sigurisht që po qesh; po, po, e bëre”. Megjithatë, më vonë, toni u qetësua dhe intervista vazhdoi pa probleme. Ajo që është e sigurt është se lojtari i Bayern Munich ishte me të vërtetë i zemëruar.
https://twitter.com/MediaFbi/status/1349516470242271233?ref_src=twsrc%5Etfw%7Ctwcamp%5Etweetembed%7Ctwterm%5E1349516470242271233%7Ctwgr%5E%7Ctwcon%5Es1_&ref_url=https%3A%2F%2Ftelesport.al%2Feliminimi-i-turpshem-i-bayernit-muller-ben-sherr-me-gazetarin-gjate-intervistes%2F
