Kreu i Partisë Demokratike, Lulzim Basha ka nënshkruar marrëveshje me aleatin e saj, Partinë Agrare Ambientaliste.
Referuar burimeve nga opozita, kreu i PAA-së Agron Duka do të kandidojë mes 3 emrave të parë në listën e kandidatëve të PD-së për qarkun e Durrësit.
Ndërkohë mësohet se po në listën e PD-së do të përfshihen emrat e propozuar nga PAA në të gjitha qarqet e vendit. raportohet se një tjetër emër i njohur që pritet të jetë kandidat i propozuar nga PAA është Arben Malaj, emri i të cilit do të jetë në listën e kandidatëve për Qarkun e Vlorës.
Kreu demokrat Lulzim Basha po vijon takimet me aleatët e tjerë për zgjedhjet e 25 prillit, ndërsa paraprakisht është rënë dakort që Dashamir Shehi dhe Fatmir Mediu të kandididojnë në Tiranë, ndërsa Shpëtim Idrizi në Fier. Për PDIU-në në Tiranë pritet të kandidojë Mesila Doda, ndërsa Nard Ndoka do të jetë kandidat në qarkun e Shkodrës.
