117-vjeçarja vaksinohet kundër COVID: Mezi pres të përqafoj sërish fëmijët e mi

Një 117-vjeçare në Greqi është vaksinuar kundër koronavirusit. Eleftheria e cila ka lindur në vitin 1903 në Lefkada është vetëm tre muaj më e re se gruaja më e vjetër në botë.

Sipas mediave greke, ajo deklaroi se mezi priste të vaksinohej për të përqafuar sërish fëmijët e saj. Pasi kreu injeksionin e moshuara deri më tani nuk ka shfaqur asnjë efekt anësor.

LEXO EDHE  Borë në shkretëtirë, temperaturat në Sahara zbresin deri në -2

Tani ajo do të presë 20 ditë për të bërë dozën e dytë të vaksinës për t’u takuar më pas me fëmijët e saj pa asnjë rrezik.

Sipas Librit të Rekordeve Botërore Guinness, gruaja më e vjetër në botë është vetëm 3 muaj më e vjetër se Eleftheria dhe jeton në Japoni.