Kategoria Superiore do zhvillojë të premte dhe të shtunë javën e 14-të. Teksa të premte dy ndeshje do të zhvillohen në orën 18:00, e shtuna sjell një ndryshim orari.
Të programuara për në 13:45, tre ndeshjet e elitës pritet të spostohen me 15 minuta më herët.
Ka qenë klubi i Tiranës që në kanalet zyrtare të komunikimit ka konfirmuar se ndeshja e “Selman Stërmasit” me Kastriotin do të nisë në 13:30 dhe jo në 13:45.
Nëse hedhim një sy në faqen zyrtare të FSHF-së, ndeshja ende është programuar për në 13:45. Moti me reshje dhe problemet me ndriçimin në tre stadium, kanë bërë që ndeshjet të fillojnë në 13:30.
