FBI ka informacione për një tjetër protestë të madhe të mbështetësve të Donald Trump, e cila pritet të zhvillohet gjatë ceremonisë së inagurimit të Joe Biden si President i SHBA-ve.
Mediat raportojnë se FBI i referohet informacioneve të siguruara përmes rrugëve operative, ku dyshohet se protestuesit do të organizohen edhe në grupe të armatosura për të kundërshtuar betimin e Biden si kreu i shtetit.
Më herët, FBI u akuzua se nuk pati informacion për pushtimin e Kongresit Amerikan nga mbështetësit e Trump pak ditë më parë duke ngjallur mjaft debate në SHBA.
FBI njoftoi publikun se pritet që gjatë datave 16-20 janar të ketë protesta para institucioneve lokale në 50 shtete, ndërsa mes datave 17-20 janar parashikohen protesta të armatosura në Washington.
