Ashtu si edhe është raportuar më parë, Moussa Dembele do të jetë zëvendësuesi i Diego Costa në skuadrën e Atletico Madrid.
Për këtë çështje ka folur vetë Diego Simeone, i cili ka deklaruar se ndonëse asgjë nuk është zyrtare, Dembele është thuajse një lojtar i Atleticos në këtë pikë.
“Marrëveshja akoma nuk është konkretizuar, por jemi shumë pranë shërbimeve të tij”. Ka thënë tekniku argjentinas.
Francezi bashkë me Willian Jose ishin preferencat e para të këtij klubi, por për këtë të fundit gjithnjë problem ka qenë refuzimi për negociata nga Real Sociedad.
Nga ana tjetër, Lyon ka pranuar që për Dembele nuk do të ketë asnjë klauzolë shitjeje, por Atletico mund ta marrë në huazim për gjashtë muaj, dhe më pas mund ta blejë për 33 milion euro.
Francezi do ti bashkohet Luis Suarez në sulm, që do të jetë një vlerë e shtuar për skuadrën e Simeones, por para së gjithash, duhet të rikuperohet nga një dëmtim në krahun e tij.
