“Një kg mish, i pa gatuar, në restorantin Nusr-et, kushton 1 mijë euro”. Kjo është pohuar nga aktivistja Eneida Bozheku, avokate, në emisionin “Abc e Mëngjesit”.
Bozheku tha se ka 30 vjet që qeveritë në fund të mandateve të tyre bëhen arrogante dhe kjo po i ndodh edhe Qeverisë Rama, e cila duket se po ndjen fundin e pushtetit.
Sipas avokates dhe aktivistes së shoqërisë civile, SPAK duhet të nisë hetimet lidhur me darkën në restorantin Nusr-et, ku mbrëmjen e së shtunës ushfaqën bashkë në një tavolinë, ministrat Arben Ahmetaj dhe Belinda Balluku, nënkryetari i Bashkisë së Tiranës, Arbjon Mazniku si dhe kvshilltari i Edi Ramës, Endri Fuga. I pranishëm në këtë darkë ishte edhe biznesmeni Samir Mane.
Bozheku tha se është pak e çuditshme se si gjithë këta njerëz u bënë bashkë në Dubai, ndaj dhe kjo nuk mund të konsiderohet si një rastësi.
“Nëse do të ndodhte në Sarandë mund të ishte rastësi, por në Dubai s´ka më rastësi. SPAK duhet të hetojë, pse këta persona ndodheshin aty, kush i ka paguar shpenzimet, çlidhje ka mes një biznesmeni dhe ministrave të Qeverisë Rama, pasi ka një konflikt interesi këtu”, tha Bozheku.
Ajo shtoi se një tjetër detaj që rrëzon jjustifikimet se faturat janë paguar nga mikpritësit është fakti se ato nuk ndodheshin në darkë.
“Sna ndodhur kurrë që mikpritësit të paguajnë shpenzimet dhe mos jenë të pranishëm. Nëse ishte një darkë pune, atëherë duhej të ishin edhe mikpritësit”, tha ajo.
