Dy të rinj janë përfshirë në një sherr me thika pasditen e kësaj të diele. Ngjarja ka ndodhur në qytetin e Sarandës.
Nga raportimet e para bëhet e ditur se një 19-vjeçar ka mbetur i plagosur rëndë dhe është dërguar në spital.
I riu, me inicialet R. A, ka marrë disa goditje me thikë, në pjesë të ndryshme të trupit. Polica është vënë në kërkim të autorit.
Njoftimi i policisë:
Më datë 10.01.2021, rreth orës 15:45, në Sarandë, pas një konflikti të çastit, është goditur me mjet prerës (thikë), shtetasi R. A, 19 vjeç, i cili është dërguar në spital nën kujdesin e mjekëve, jashtë rrezikut për jetën.
Autori i ngjarjes dyshohet se është shtetasi M. B, dhe shërbimet e Policisë janë vënë në ndjekje të tij.
Grupi hetimor ndodhet në vendngjarje dhe po punon për zbardhjen e ngjarjes.
