Reshjet e dendura të shiut kanë sjellë probleme të shumta në akse të ndryshme rrugore në Lezhë.
Në qarkun e Lezhës në fshatin Kallmet dhe Merqi, uji është tërhequr por situata mbetet problematike në Zadrimë.
Raportohet se qindra hektarë tokë bujqësore, janë përmbytur, dhe janë të pakalueshme akset rrugore që lidhin Blinishtin e Pirajt me superstradën Lezhë-Shkodër.
Niveli i ujit ka arritur disa centimetra mbi rrugë dhe është i pamundur kalimi i automjeteve.
Po ashtu, është shembur edhe rruga që lidh fshatrat e Ungrejit me Kallmetin.
Në qarkun e Lezhës, janë 2500 hektarë, tokë nën ujë.
