Kryetarja e LSI-së Monika Kryemadhi, nga njësia numër 7 deklaroi se qytetarët janë sot më keq ekonomikisht nga se ishin 4 vite më parë.
“Unë isha në Paskuqan dhe sapo erdhëm. Kishte shumë trafik, rrugët ishin të pamundura për t’u kaluar dhe të përmbytura dhe ajo që të bënte përshtypje ishtë zymtësia dhe mungesa e shumë gjërave të cilat janë të domosdoshme.
Sot e kam filluar ditën që në mëngjes, që nga njësia 3 në takime me banorët, por do e vazhdojmë edhe më tutje. Tani e kishim lënë një takim me doktor Besnikun, që të bëjmë një prezantim të tiji, ku do të drejtojë fushatën elektorale në këtë zonë, por edhe do të hartojë së bashku me ju një plan pune jo vetëm për zhvillimin e kësaj zone, por edhe të shumë gjërave të tjera, që kanë të bëjnë sidomos me angazhimin e të rinjve dhe të rejave, sidomos me punësimin e mirëpaguar, ashtu sikurse me zhvillimin dhe krijimin e hapësiarve për qytetarët. Në fakt nuk ka nevojë tua kujtojmë ne qytetarëve, se qytetarët gati 70% e tyre janë më keq seç kanë qenë 4 vite më parë për sa i përket ekonomisë dhe financave në familjet e tyre”, tha Kryemadhi.
Monika Kryemadhi shtoi se qeveria e di gjendjen e shqiptarëve dhe nuk merr asnjë masë.
“Dhe ajo që të bën më shumë përshtypje është që nuk merret asnjë lloj mase apo tentative nga qeveria për t’i krijuar. Ne jemi të fokusuar më shumë tek të rinjtë dhe të rejat. Unë si grua dua për gratë dhe për vajzat, por kjo nuk do të thotë se jam feministe, edhe pse jam mes dy burrave, por kemi prapë shumë vajza.
E kemi kaluar pak ne gratë, kemi vajtur mbi 51 më duket, por nuk është ky problemi, ne jemi të gjithë të barabartë. Unë do të dëshiroja që imuniteti ynë të mos ishte thjesht në aspektin shëndetësor, por edhe ndaj qeverive të këqija, të cilat për hir të së vërtetës kanë krijuar një hapësirë shumë të vogël për zhvillimin e ekonomisë”, deklaroi Kryemadhi.
Kryemadhi prezantoi edhe personat që do bëëjnë fushatën e LSI-së në njësinë 11 në Tiranë, ndërsa shtoi se Lëvizja Socialiste për Integrim do i japë përparësi rinisë.
“Sot ndihem pak si në minorancë për sa i përket dijeve, por edhe të gjitha asaj që Rimi dhe profesor Besniku ofrojnë me profesionalitetin e tyre. Ne këtu sot duke qenë së bashku me Përparimin si kryetar i Tiranës, kemi ardhur të prezantojmë edhe doktor Besnikun, i cili do të marrë angazhimin e tij për të gjithë njësinë, që është i angazhuar dhe do të ketë përgjegjësinë e tij jo vetëm me 25 prillin, por edhe shpalljen e rezultatit.
Edhe me Përparimin për sa i përket asaj që kemi diskutuar për programin ekonomik, jo vetëm për sa i përket taksës së sheshtë, por edhe disa analiza të tjera që ne do t’i kemi në vazhdim. Në fund të ditës përgjegjësia e secilit nga ne është jo vetëm ndaj vetes sonë, por edhe ndaj familjes, ndaj shoqërisë edhe ndaj të githë atyre qytetarëve që i kanë dhënë shansin LSI-së për të qenë pjesë e gjithë kësaj.
Sot duke u përfshirë të gjithë do të jetë një hapësirë shumë më e madhe për shumë të rinj. Edhe angazhimi i Përparimit në Tiranë apo edhe juaji në një forcë politike tashmë, duke marrë përsipër tashmë diçka më shumë se profesionalizmi juaj, besoj se është diçka shumë e rëndësishme.”, u shpreh Kryemadhi.
Më tej, Kryemadhi nënvizoi se Rilindja ka mbushur institucionet me militantë dhe se ka të rinj, që nuk kanë shkuar në universitet, për shkak të mungesës së parave.
“Njerëzit e presin politikanin me krahë hapur, sepse në radhë të parë duan të nxjerrin inatin për ata që kanë votuar apo se nuk kanë votuar dhe në anën e dytë, duan të bëhen pjesë e ndërtimit të një epoke të re. Në Babrru isha me të rinjtë, votues për herë të parë. Ishin edhe më të kthjellët se ne. Pra ata ishin aq të qartë saqë nuk diskutonin më thjesht çështjen e punësimit.
Një i ri thoshte që për mua punësimi nuk është alternativë ikja si emigrant i paligjshëm në Angli për shtëpitë e barit. Këtë po i japin mundësi rinisë sot këta. Ndërkohë që ishte nxënës ekselent gjimnazist, donte ta vazhdonte universitetin, por mundëistë financiare nuk ia krijonin të mundshme. Ndërkohë që kisha një studente të Fakultetit të Inxhinierisë Matematikore, Gjeofizike, e cila ishte studente ekselence dhe punonte në një call center, sepse nëpërmjet asaj mundësie ajo mbulonte jo vetëm shpenzimet e shkollës, por ndihmonte edhe familjen e saj.
Pra them që kapacitetet njerëzore janë shumë të mëdha, por ne e kemi kthyer administratën dhe institucionet shtetërore në struktura militante. Jo që ne nuk duam të përkrahim militantët apo përkrahësit tanë. Përkundrazi. Por nëse krijojmë një sistem dhe infrastrukturë ku të gjithë të jenë të barabartë dhe njerëzit të vlerësohen në bazë të profesionalizmit dhe meritokracisë, sigurisht që partitshmëritë do të jenë inekzistente dhe njerëzit do të shkojnë të votojnë jo vetëm njeriun më të mirë, por profesionistin më të mirë, ekonomistin,mjekun, apo politikanin më të mirë”, u shpreh Kryemadhi.
