Drejtori i Përgjithshëm i Partizanit, Olsi Rama tregoi raportin me nipin Greg. Djali i kryeministrit Edi Rama shpeshherë është shfaqur me shallin e Tiranës në stadium, në mbështetje të bardhebluve.
Duket se nipi ka rivalizuar xhaxhanë në duelin mes dy skuadrave emblematike në Shqipëri, ndërsa drejtori i Demave në “Paso” në TAR ka “thumbuar” Gregun me ndërtimin e stadiumit të ri. Ai ka theksuar se ai bëri tifozllëk me Tiranën vetëm kur u ndërtua “Air Albania”.
– Besoj se vendin e Edit e ka zënë Gregu, nuk ishte edhe aq e lehtë ajo deklarata që dha pak javë më parë në Top Albania Radio, që tha për ty; Ai zgjodhi ideologjinë ndërsa unë zgjodha identitetin. Cila do të ishte kundërpërgjigja në këtë rast, sportive natyrisht?
Unë nuk kam asnjë kundërpërgjigje, e para sepse vendin nuk e zë dot Gregu. Megjithatë Gregu le të vazhdojë ta kërkojë identitetin edhe jam gati ta përkrah kudo që ta ketë dhe sido që të jetë. E kam nip, kështu që do ta trajtoj mirë, patjetër!
–Në kontekstin sportiv nuk është se ka edhe shumë problem nëqoftëse e trajton edhe keq sepse në ring ndeshen Vitali Klitschko dhe Ëladimir Klitschko fjala vjen, dy vëllezër për një trofe, kështu që me nipin nuk është problem të ndeshesh nga pikëpamja sportive?!
Unë nuk kam ku të ndeshem me të nga pikëpamja sportive sepse ai nuk luan asnjë lloj sporti.
-Në hapësirë virtuale deklaratash… Kështu që derisa dy vëllezër grushtojnë njëri-tjetrin në ring nuk ka asnjë problem që të grushtojmë figurativisht me ide për futbollin, fjala vjen edhe për nipçen?!
Duhet ta kishim ftuar këtu sepse nuk është e ndershme që unëta godas kështu në boshllëk.
–Domethënë paska vend për goditje…
-Nuk e di pse, por njerëzve ju erdhi shumë mirë sidomos tifozëve të Tiranës, kur ai u shfaq me atë shallin në stadium edhe ishte si një lloj kundërgoditje ndaj Partizanit.
Gregu është një djal i mbarë, patjetër që është një artist… është në një dimension të vetin gjithmonë, patjetër që jetojmë në një demokraci edhe të gjithë kanë të drejtëne mendimit të tyre. Por do i kujtoj Gregut vetëm faktin që përfitoj nga rasti që të bëhej Air Albania që të shkonte në stadium dhe të bënte tifozllëk për Tiranën. Mbase ishte edhe ogur i mirë për Tiranën se dolën edhe kampion, por nuk e di pastaj se ç’do të bëj në të ardhmen. /Newsport.al
