Intesiteti i lartë i reshjeve gjatë natës dhe orëve të paradites ka bërë që lumi Drin të dalë deri në shetitoren buzë tij. Si pasojë e fryrjes së lumit Drin deri në kuotat maksimale ka bërë që të përmbyten banesat që gjenden afër lumit, sidomos blloku i “Drinit” në lagjen Besëlidhja. Janë përmbytur bodrumet e pallateve, nga ku kanë shkaktuar dëme materiale. Qytetarët janë detyruar që të marrin automjete pompimi për nxjerrjen e ujit nga bodrumet.
Fryrja e Drinit ka përmbytur tregun e qytetit Lezhë ku një pjesë e tij është përmbytur totalisht. Është përmbytur stadiumi i Lezhës dhe aneksi i tij.
Problem ka furnizimi me energji elektrike, ku disa njësi administrative që në orët e para të ditës jan pa energji, si ato e Dajçit dhe e Blinishtit.
Fusha e Zadrimës tashmë është nën pushtetin e ujit. Përmbytje ka edhe në Shënkollë, Rrilë, Torovicë etj.
Deri tani nuk ka dëme në njerëz dhe banesa.
