SPAK përfundon hetimet për atentatin ndaj Arjan Ndojës në Shkozet të Durrësit e 1 nëntor 2019. Redjan Rraja merret i pandehur bashkë me Arjol Halilaj.
Seanca ku ketyre do t’u komunikohet edhe akuza pritet të zhvillohet të hënën e ardhshme.
Prokurori i Durrësit Arian Ndoja u plagos më 1 nëntor 2019, në një atentat me armë ndaj tij. Sulmi ndodhi rreth orës 16:30, ndërsa ai udhëtonte si pasagjer në një makinë në mbikalimin e Shkozetit në autostradë Tiranë-Durrës.
Në makinë bashkë me të udhëtonin edhe Aleksandër Laho, i njohur gjithashtu me emrin Landi Muharremi, dhe Andi Maloku, ne rolin e shoferit, që humbi jetën.
Sulmi ndaj Ndojës u bë nga persona që udhëtonin ne dy makina që e kishin ndjekur. Më vonë gjatë mbrëmjes së 1 nëntorit, policia gjeti rreth 25 kilometra larg vendngjarjes, në fshatin Shkafanë të Ishmit, një nga automjetet e dyshuara se u përdorën në atentat. Brenda makinës u gjetën dy kallashnikovë dhe dy maska. Makina tip Benz kishte targa të vjedhura në Tiranë.
Sulmet ndaj prokurorit në atë kohë u dënuan nga Këshilli i Lartë i Prokurorisë ashtu dhe nga Shoqata e Gjyqtarëve.
