Legjenda e muzikës, Dr Dre, është shtruar me urgjencë në spital, si pasojë e një problemi serioz në tru. “TMZ” ka raportuar se artisti 55-vjeçar është shtruar në spitalin “Sinai Medical Center”, në Los Angeles, ditën e hënë.
Thuhet se reperi vuan nga aneurizma cerebrale, që është një sëmundje e enëve të gjakut të trurit, e cila vjen si pasojë e një dobësimi në murin e arteries së trurit, duke shkaktuar zgjerim të një pjese të saj ose një fyerje. Çarja e saj mund të shkaktojë hemorragji me pasoja shumë të rënda për jetën dhe mund të jetë edhe fatale.
Megjithatë, reperi është shprehur përmes një postimi në rrjete sociale se ndihet mirë dhe ka falënderuar stafin mjekësor që është kujdesur për të.
“Unë jam mirë dhe po stafi mjekësor po kujdeset në mënyrë të shkëlqyer për mua. Do të dal nga spitali dhe do të rikthehem së shpejti në shtëpi shëndoshë e mirë.
Një falënderim shkon për gjithë stafin profesional mjekësor në Cedars. Një dashuri!”, ka shkruar reperi.
