Reshjet e dendura të shiut dhe dëborës që kanë përshkuar ditën e sotme motin në të gjithë vendin, janë shoqëruar edhe me incidente rrugore.
Për fat të mirë deri më tani nuk raportohen për dëme në njerëz. Aksidenti i fundit është shënuar në aksin rrugor Vermosh-Malësi e madhe, ku orteku ka marrë përpara një makinë duke e nxjerrë jashtë rrugës.
Makina ka qenë në lëvizje kur është goditur nga orteku i dëborës duke e spostuar disa metra në rrëpirë. Fatmirësisht nga ky incident nuk ka persona të lënduar.
