Zlatan Ibrahimoviç përbën lajm në çdo rast, edhe kur ai nuk është prezent në fushën e lojës. Prej disa ditësh është zyrtar lajmi për pjesëmarrjen e tij fikse në Sanremo, në të gjitha netët e festivalit të këngës në Itali.
Deri këtu asgjë e çuditshme, por përderisa flitet për suedezin, është e pamundur që të mbetesh në dimensionet e normalitetit. Pas firmosjes së akordit ndërkohë kanë dalë edhe thashethemet e para lidhur me shpërblimin që do të marrë Zlatan Ibrahimoviç, i cili duhet të jetë afro 50 mijë euro në mbrëmje.
Ky kompensim është i majmë dhe menjëherë ka indinjuar një pjesë të mirë të popullit italian, duke parë edhe situatën e vështirë ekonomike me të cilën po përballet vendi prej pandemisë që ka goditur botën.
