Surprizë e madhe në raundin e dytë të Kupës së Mbretit. Atletico Madrid është eliminuar nga Cornella, ekip ky që militon në ligën e tretë të futbollit spanjoll.
Adrian Jimenez shënoi në minutën e 7 dhe kaloi skuadrën e tij në avantazh, për ta ruajtur deri në fund dhe bërë ëndrrën e tyre realitet.
Ricard Sanchez u ndëshkua me karton të kuq në minutën e 63-të dhe ia bëri më të lehtë mbrojtjen e rezultatit skuadrës vendase e cila me këtë fitore historike siguron kalimin në raundin e tretë të Kupës së Mbretit dhe bën befasinë e madhe.
Një dështim i papritur ky për skuadrën e Simeones që në La liga renditet në vendin e parë.
