Vrasja në Astir/ Gruaja e 59-vjeçarit hedh poshtë akuzat për shitjen e fëmijëve, për lidhjen e dija, jam kërcënuar
Gruaja e Përparim Ademit, 59-vjeçarit i cili vrau dy motrat Zhaneta Metani dhe Kristina Bardhi më 31 Dhjetor në zonën e Astirit në Tiranë, ka folur për ngjarjen. Në një prononcim për mediat, ajo ka thënë se familja e saj është kërcënuar.
Gruaja e Ademit ka mohuar akuzat e familjarëve të dy motrave të vrara për trafikimim fëmijësh. Po ashtu, ajo ka thënë se e dinte për lidhjen që bashkëshorti kishte me dy motrat dhe e ka pranuar, për të mos dridhur familjen.
“Unë kam kërcënime në shtëpi, mi kanë ardhur gocës tre veta, burri i denoncoi. Unë kam kërkuar mbrojtje nga shteti, i kanë ardhur fëmijës që në mëngjes dhe i kanë shkuar te dera dhe e kanë bërë fëmijën copë nga këmbët. Do të kërkoj mbrojtje nga policia dhe nga shteti dhe kërkoj që të iki nga ky vend ose të vijnë të më vrasin. Nuk janë të vërteta akuzat për trafikim fëmijësh, unë kam pas hyrje dalje me këto (viktimat), e kam ditur që burri ka pas marrëdhënie e kam pranuar për të mos shkatërruar familjen. Unë kam ngrënë me to, kemi shkuar në Pogradec, kemi qenë në Greqi”, ka thënë ajo.
Lexo edhe:
