Në javë më parë, Saimiri i ‘Love Story’ zgjodhi të mos i jepte një trëndafil Silvanës, duke e eliminuar kështu nga programi. Largimi i Silvanës ishte i papritur dhe për publikun, pasi Saimiri kishte lënë të nënkuptohej se Silvana ishte një nga të preferuarat e tij. Dyshja patën disa takime, ku madje shkëmbyen dhe puthje.
Pasi Saimiri nuk i dha një trëndafil, ujërat në ‘Love Story’ u trazuan, teksa Silvana u shpreh e lumtur që po eliminohej, me pretendimin se Saimiri po luante një lojë të pistë.
Silvana akuzoi 33-vjeçarin se ka ftuar vajzat në vilën e tij, gjë që është e ndaluar nga produksioni.
Mbrëmjen e djeshme, Silvana ka publikuar në Instastory disa biseda të Saimirit me të dhe 2 vajza të tjera ku ai i fton në shtëpinë e tij. Më pas ajo shkruan se nuk flet kot dhe nuk ka asnjë inat, thjesht do të tregojë se Saimiri bën çdo gjë për show.
