Policia e Durrësit njofton se ka vënë në pranga dy drejtues mjetesh. Njëri prej tyre ka qenë në gjendje të dehur dhe një tjetër teksa udhëtonte me shpejtësi ka aksidentuar një këbësor, i cili u dërgua në spital dhe thuhet se është jashtë rrezikut për jetën.
Njoftimi
Specialistët e Qarkullimit Rrugor në Drejtorinë Vendore të Policisë Durrës arrestuan në flagrancë shtetasit:
A. I., 53 vjeç, banues në Durrës, pasi u konstatua nga shërbimet e Policisë në aksin rrugor Fushë Krujë-Thumanë, duke drejtuar mjetin tip “Audi”, në gjendje të dehur.
A. P., 38 vjeç, banues në Krujë, pasi në fshatin Larushk, Krujë, duke drejtuar mjetin tip “Volkswagen”, ka aksidentuar këmbësorin me iniciale N. M., 58 vjeç, i cili ndodhet në spital, nën kujdesin e mjekëve.
Materialet i kaluan Prokurorisë së Rrethit Gjyqësor Durrës, për veprime të mëtejshme.
