Bomba e merkatos vjen nga Spanja. Sipas mediave vendase, Real Madrid duket se do të humbasë në fund të sezonit shërbimet e kapitenit Sergio Ramos.
Spanjolli ka refuzuar rinovimin e kontratës me “Los Blancos”, ndërsa përflitet se sezonin e ri do ti bashkohet PSG së bashku me Lionel Messin, shkruan Ora News.
Detajet raportohen nga “El Chiringuito”, media shumë e besueshme për lajmet brenda Real Madrid.
“Nuk pranoj propozimin që më keni bërë dhe do të nisë të dëgjojë ofertat që do të më vijnë”, mësohet ti ketë thënë Ramos presidentit Florentino Perez gjatë një takimi të zhvilluar të mërkurën e shkuar.
Sa i përket transferimit te kampionët e Francës, Ramos është shprehur: “Me mua dhe Messin do të bënin një skuadër të madhe”.
Ndërsa Perez i ka thënë: “Nëse të vjen një ofertë e mirë, do të merremi vesh”.
Real Madrid i ofron Sergio Ramos rinovim dy-vjeçar të kontratës por me 10% ulje të pagës aktuale prej 15 milionë eurosh në sezon.
