Stephen Curry ka thyer rekordin personal të pikëve në një ndeshje të NBA, duke shënuar plot 62 pikë në ndeshjen që Golden State Warriors fitoi 137-122 ndaj Portland Trail Blazers.
Rekordi i mëparshëm i Curry ishte 54 pikë, të shënuara ndaj New York Knicks, në vitin 2013.
Curry shënoi 18 nga 31 gjuajtjet nga fusha dhe 18 nga 19 gjuajtjet e lira, në 36 minuta lojë.
Kur përfundoi ndeshja, Curry u përgëzua për arritjen e tij jo vetëm nga shokët e skuadrës, por edhe nga kundërshtarët.
