Mjeku Petrit Vargu nuk ka hezituar të replikojë për vaksinën anti Covid që pritet të mbërrijë në Shqipëri në javën e tretë të janarit. Në një lidhje live me studion e “Open”, Vargu debatoi me tone të larta me ish-ministrin e Shëndetësisë Koja.
Vargut iu ndërpre zëri disa herë dhe u justifikua duke thënë se po e pengonte Silva Bino që të fliste, sepse i dërgonte mesazhe.
“Do t’ju kthej përgjigje…do t’ju kthej po prit, duro se s’më lë Silva Bino rehat, më shkruan në Whatsapp, më shikon këtu,”- tha Vargu.
Mjeku Vargu tha se sigurimi i 500 mijë dozave të vaksinës Pfizer është një shifër e vogël, thuajse e papërfillshme pasi një shifër e tillë nuk jep mundësi për mbulimin e shtresave të siguruara. Kjo shkaktoi një debat të fortë mes ish-ministri i Shëndetësië, Gjergji Koja dhe mjekut të njohur Petrit Vagu.
Pjesë nga debati:
Vargu: Po përdoret vaksina për propagandë dhe për qëllime elektorale.
Koja: Po çfarë propaganda po thua more zotëri.
Vargu: Nuk keni një strategji konkrete. Në fillim thatë që do ishin pleqtë ata që do vaksinoheshin pas mjekëve.
Koja: Kur nuk vaksinon ushtarët që shkojnë në luftë si do e fitosh betejën. Janë mjekët, mësuesit dhe policët që janë kontaktet e para.
Vargu: Këto janë vendime politike.
Koja: E ka vendosur komiteti e ekspertëve.
Vargu: Vendim për qëllime elektorale. Nuk merrni në konsideratë pleqtë se e dini se ata votojnë majtas.
