Nga ora 20:30 e 24 dhjetorit është në fuqi ora policore në kuadër të masave për të parandaluar përhapjen e Covid-19. Por, pas ditës së nesërme, kjo masë merr fund, siç njoftoi Komiteti Teknik i Ekspertëve.
Masat u morën, me qëllim parandalimin e përhapjes së mëtejshme të Covid-19, duke qenë ishin edhe festat e fundvitit.
Pas datës 4 janar, do të rikthehet sërish izolimi që prej orës 22:00 – 06:00.
Gjithashtu më 24 dhjetor u mbyllën dhe shkollat 9-vjeçare dhe gjimnazet për pushimet e dimrit dhe do të rihapen më 11 janar. Ndërsa universitetet rinisin mësimin online më 5 janar.
Të gjithë ata persona apo biznese që thyejnë këtë masë kufizuese, do të gjobiten sipas aktit normativ.
Ndërkohë, për të lëvizur gjatë orës policore, qytetarët duhet të pajisen me leje në portalin e-Albania.
Nga nisja e pandemisë, Shqipëria ka regjistruar 59,438 të infektuar, 34,648 të shëruar dhe fatkeqësisht 1193 viktima.
