Dy motra u ekzekutuan në sy të fëmijëve të mitur nga bashkëjetuesi i njërës prej tyre, i cili është identifikuar si Përparim Ademi, 59 vjeç, shqiptar i Maqedonisë së Veriut.
Krimi i dyfishtë ka ndodhur në zonën e Astir rreth orës 10:30 të paradites së sotme, ndërsa dyshohet se autori ka qëlluar me breshëri automatike dhe më pas është larguar nga banesa në këmbë.
Krimi ka ndodhur pasi bashkëjetuesja nuk ka pranuar të vijojë lidhjen me 59-vjeçarin.
Ndërkohë në media është publikuar foto e njërës prej viktimave, Zhaneta Metanit.
Policia u njoftua nga të miturit lidhur me ngjarjen e rëndë, ndërsa janë ngritur postoblloqe në rrugët dalëse të Tiranës. Fotografia e autorit gjithashtu është shpërndarë në pikat e kalimit kufitar.
