Laçi triumfoi ditën e djeshme 3-2 ndaj Partizanit, në një ndeshje ku protagonist ishte ish-lojtari I të kuqve, Mentor Mazrekaj.
Shpëtim Duro u shpreh i kënaqur me atë që skuadra e tij dha në fushën e blertë, teksa në prononcimin e zakonshëm për Supersport, trajneri kryeqytetas lavdëroi gjithë futbollistët, veçanërisht Mazrekajn që bëri diferencën në një takim i si ky i sotmi.
Në fjalën e tij, Duro u shpreh:
“Sigurisht që këto 3 vite kur kam drejtuar edhe Flamurtarin edhe Kukësin kam pasur bilanc pozitiv me ekipet e Tiranës. Ndoshta çështje fati. Edhe sot mora 3 pikësh mjaft të rëndësishëm. Sa i përket Mazrekajt, s’ka surprizë. Jam unë protagonist që e kam sjellë në verë duke i sugjeruar në mënyrë shoqërore ta marrë atë pa kosto financiare, pa pretendime. Edhe tani e shoh që bën diferencën. Sa i përket gjendjes fizike, është serioz dhe është më mirë nga gjendja fizike se 5 vite më parë. Kam 3 javë që punoj. Ai sa herë që luan, bën diferencën. Sot e kisha vendosur që do të ishte në formacion si sulmues i dytë. Isha i bindur, që do të bënte lojën e tij dhe do të bënte diferencën. Më vjen mirë që ma shpërbelu dhe i tregoi të gjithëve se kush është. Më nderoi edhe mua me atë ndeshje që ka zhvilluar sot.
Orgnika? E rëndësishme është që, sot është ndeshja e pestë me Laçin. Për 15 ditë kemi bërë 5 ndeshje. Është pak a shumë ajo skuadër që të gjitha sfidat i ka bo me ritëm. Pavarësisht me Kastriotin, ne dominuam. Ndryshimi i vetëm është Mazrekaj. Tregon që skuadra ka një kondicion të mirë fizik. Edhe sot kemi dominuar totalisht. Në pjesën e dytë ata s’kishin asnjë mundësi. Ka qenë një fitore jo vetëm në rezultat, por edhe me lojë. Mos harroni që mungon prej shumë kohësh, shënuesi më i mirë, Kyrian Nëabueze. Është një futbollist Harmon që po justifikon shumë veten. Ka një ritëm loje. Sot s’ishte e lehtë të nxirrje jashtë Xhixhën. Por, ishte bindjet e mia që për fat rezultuan pozitive.
Xhixha? Edhe unë e them që është shumë i rëndësishëm, por sot ka qenë në stol vetëm për zgjedhje taktike. E aktivizova Mazrekajn si sulmues të dytë. Për këtë ndeshje ishte zgjidhje pozitive, por patjetër që Xhixha është lojtar i rëndësishëm i ekipit tonë”, tha ai.
