Shqipëria ka dhuruar 250 mijë euro për t’i ardhur në ndihmë Kroacisë, e cila pasditen e së martës u godit nga një tërmet i fuqishëm me magnitutë 6.4 të shkallës Rihter.
Lajmin e ka bërë të ditur kryeministri Edi Rama me anë të një postimi në Twitter ku shkruan se ka firmosur dekretin për të ndihmuar “vëllezërit e Kroacisë në rilindjen e Petrinjës.”
Tërmeti i djeshëm në Kroaci, me magnitudë 6.3 të shkallës Rihter, deri mëngjesin e sotëm shkaktoi 7 viktima dhe dhjetra të plagosur, ndërsa ekipet e shpëtiimit vijojnë kërkimet nën rrënoja për të mbijetuarit.
