Në puntatën e fundit Saimiri zgjodhi të eliminonte Silvanën nga “Love Story”. Vendimi i tij ishte shumë i papritur, pasi dyshja kanë realizuar takime me njëri-tjetrin, madje kanë shkëmbyer dhe puthje.
Në “Daily Love Story”, ajo ka treguar se këtë javë ka marrë vesh shumë gjëra që nuk i kanë pëlqyer, prandaj dhe donte të largohej.
“Ndihem shumë mirë që thashë ato që kisha brenda prej një jave. Dhe po i mendoja t’i thoja. E kisha ndjesinë e eliminimit sepse në rradhë të parë doja ta bëja vetë, por meqë e mora përgjegjësinë, e dija në fund që do ikja. Këtë javë kam marrë vesh shumë gjëra që s’më kanë pëlqyer fare, që i shpreha edhe live. Më ka penalizuar karakteri im i fortë, më kanë penalizuar përgjigjet. Unë thashë gjëra që atij i prekën egon dhe krenarinë.
Nëse ne do ishim për show këtu ai duhet të na hiqte që javën e parë. Që në javën e parë ai e pa që ne ishim dy binjake, nuk e gjeti në javën e shtatë që unë jam këtu për show.
Produksioni është sjellë shumë mirë me mua dhe me motrën, kam krijuar lidhje shumë të mirë me disa prej vajzave këtu brenda dhe kjo do të mbetet nga Shqipëria. Nesër unë bëj valixhen dhe good bye!
Unë mund të them për publikun që ka qenë në fillim shumë paragjykues për ne të dyja por kam marrë edhe mesazhe shumë të bukura”, është shprehur ajo.
