Një automjet është përfshirë nga flakët pasditen e sotme në qendër të Tiranës.
Ngjarja ka ndodhur në rrugën “Dedë Gjo Luli”, mbrapa Muzeut Kombëtar.
Automjeti drejtohej nga një vajzë me incialet K.V, ndërsa në automjet ndodhej edhe një person tjetër, E.G, të cilët fatmirësisht nuk kanë pësuar lëndime.
Shkak për djegien e automjetit dyshohet të ketë qenë një shkëndijë elektrike.
Policia dhe zjarrfikësja ndodhen në vendngjarje, ndërsa zjarri ka bërë që të bllokohet qarkullimi i mjeteve të tjera.
