Ai ishte një nga njerëzit më të pasur në Kinë, por sipas policisë u vra nga një koleg.
Themelues i “Yoozoo” sapo i kishte shitur Netflix të drejtat për trilogjinë fantastike “Problemi i tre trupave” .
Lin Qi ishte mbreti i lojërave video të “Game of Thrones” dhe një nga njerëzit më të pasur në Kinë. Ai vdiq, me shumë gjasë i helmuar nga një rival, në moshën 39 vjeç, në ditën e Krishtlindjes. Manjati i Shangait, presidenti dhe CEO i zhvilluesit të lojërave video Yoozoo, i cili prodhoi lojën “Game of Thrones: Winter Is Coming”, ndër të tjera, parapakisht besohet se u vra nga një koleg.
Vdekja e tij, e konfirmuar nga policia, mbetet ende shumë misterioze. I dyshuari mban mbiemrin Xu. Dhe mbase ai po synonte të merrte përsipër biznesin, i cili kishte një vlerë neto prej më shumë se 1 miliard dollarë, sipas Hurun China Rich List (ai ishte i 870-ti në listën e më të pasurve në vend ).
Duke shfrytëzuar në maksimum rolin e tij si një yll në tregun fitimprurës të video-lojërave kineze, para se të vdiste Lin Qi bëri përpjekje për të prodhuar edhe filma.
Krijimi i tij, kompania Yoozoo, lindi në 2009 dhe argëton miliona fëmijë që janë të apasionuar pas videolojërave çdo vit. Megjithëse Lin ishte zgjeruar gradualisht në sektorin e telefonisë, ai u ndesh me sanksione nga autoritetet e Pekinit për rregullimin e sektorit.
Libri i trilogjisë së shkrimtarit Liu Cixin “Kujtimi i së kaluarës së Tokës” kishte marrë vlerësime të shumta, përfshirë ish-Presidentin e SHBA Barack Obama dhe themeluesin e Facebook Mark Zuckerberg.
Disa dëshmi flasin se ai u helmua me një çaj puer, një çaj kinez i thartuar.
