Pas reagimeve të forta dhe reagimi të sotëm të presidentit Ilir Meta në lidhje me vendimin e Greqisë për zgjerimin prej 12 miljesh, Edi Rama ka habitur me reagimin e tij të radhës.
Me disa mesazhe në Twitter, duke sulmuar presidentin Meta, Rama ka habitur me justifikimin e radhës.
Sipas tij, vendimi grek për tu zgjeruar me 12 milje s’ka të bëjë me ujërat e detit Jon, ku preket dhe deti shqiptar.
‘Ilir Meta mirëkuptuaka ndjeshmërinë e qytetarëve mbi vendimin e autoriteteve greke për të ushtruar të Drejtën Ndërkombëtare të Detit për Greqinë dhe pasojat e mundshme që mund të paskërka ky vendim për vendin tonë! Në fakt jo, Ilir Meta vazhdon kërkon shesh për përsheshin e LSI!
Vetëm të paudhët si Saliu e si Iliri dhe ndjekësit e tyre me Lulin e me Monikën në krye, mund të kërkojnë shesh për përshesh deri në det, ndërkohë që e vërteta është e qartë si drita e diellit: Shqipëria dhe Greqia nuk kanë arritur asnjë marrëveshje e prandaj do shkojnë në gjyq!
Vendimi në fjalë i Greqisë s’ka lidhje me zonën e kontestuar mes dy vendeve tona, sepse në atë zonë parimi i 12 miljeve është thjesht fizikisht i pamundur sipas Konventës aty ku ky parim nuk është e mundur të zbatohet, ose bëhet marrëveshje ose shkohet në gjykatë! Ja kështu Like!’, shkruan Rama në Twitter.
