‘Billboard Albania’ ka shpallur Kidën si ‘Woman of the year’. Kida ka rezultuar si një nga këngëtaret më in dhe më të pëlqyera nga publiku falë hiteve të saj të njëpasnjëshme.
“Duke marrë parasysh të gjithë sukseset e këtij viti, artistja femër që ka pasur më shumë suksese është Kida. Bashkëpunimi i saj me Mozzik në projektin “PP” rezultoi një sukses shumë i madh. Kënga qëndroi një javë në krye të klasifikimit të Billboard Albania dhe për 17 javë të tjera ishte pjesë e “TOP 10” duke u bërë kështu kënga që ka qëndruar më gjatë në klasifikim.
Ky bashkëpunim i cili përveç se theu çdo rekord, ishte një projekt i realizuar në detaje. Muzika nga Mixey dhe teksti nga Mozzik, Nuki, video nga Elena Kelmendi ishin kombinimi perfekt për t’a kthyer këtë këngë në hit. Kida erdhi ndryshe si në mënyrën e të kënduarit ashtu edhe në paraqitje. Kënga aktualisht i ka kaluar 50M klikime në YouTube dhe pritet të vazhdojë të dëgjohet ende më shumë.
Suksesi i Kidës për këtë vit vazhdoi me “Edhe Sa”, edhe kjo këngë e artistes u rendit e para në Shqipëri. Pas shumë kohësh Kida nuk po i këndonte më dashurisë por parasë, jetës luksoze, shoqërisë dhe qejfit. Ky ndryshim rezultoi mjaft i sukseshëm sepse kënga ka mbi 14 milion dëgjime në platformën YouTube. Me sa duket njerzitë e pëlqyen Kidën e re. Video e këtij projekti u realizua gjithashtu nga Elena Kelmendi.
Për t’a përmbyllur më së miri vitin Kida publikoi pak ditë më parë “Drunk”, një këngë që u pëlqye jashtëmase nga fansat e këngëtares. Në këtë këngë Kida i këndon djalit që ia theu zemrën sepse donte një si Kim Kardashian për vëmendje. Edhe pse ka vetëm dy javë nga publikimi kënga po i afrohet 5M klikime në YouTube. Koncepti dhe ideja e videos ishin nga Diellza Mehmetaj.
Suksesi në këtë rast flet më shumë se sa fjalët, prandaj Billboard Albania e shpall Kidën “Woman of the year”: shkruan Billboard në një postim në Instagram.
View this post on Instagram
‘Është vetëm fillimi’- tha këngëtarja, duke premtuar kështu më shumë këngë e më shumë hite.
