Futbollisti serb, Adem Ljajiç po përballet me depresionin. Te kjo gjendje, për futbollistin serb ka ndikuar ndarja me modelen, Sofia Millosheviç dy vite më parë, bëjnë të ditur mediat turke.
29-vjeçari ishte në lidhje me modelen e famshme serbe, por kjo e fundit u nda me të për tu hedhur në krahët e sulmuesit të Real Madridit, Luka Jovic.
Karriera e lojtarit, Ljajiç këto vite është shënuar nga skandale të shumta, teksa është parë në bare të ndryshme në gjendje të dehur. Aktualisht Ljajiç është në kontratë me Beşiktaş por këtë sezon lojtari nuk është aktivizuar asnjë minutë, ndërsa klubi turk kërkon ta heqë qafe, por është paga e lartë e lojtarit që e pengon këtë veprim.
