Kukësi do të luajë ditën e sotme sfidën e radhës në kampionat ndaj Partizanit, e vlefshme për javën e 11-të.
Në një prononcim për “RTSH Sport”, foli edhe mbrojtësi i Kukësit, Kenan Horiç. Në fjalën e tij, mbrojtësi 30-vjeçar u shpreh se e dinë se çfarë historie ka Partizani, por nesër do të shkojnë vetëm për 3 pikë.
“Është një përballje e vështirë dhe duhet të luajmë më mirë se në ndeshjen e parë kur humbëm. E dimë që Partizani është një nga skuadrat më të mirë, e dimë historinë e tyre, por do të shkojmë për të fituar në këtë ndeshje”, u shpreh Horiç.
