Kryeministri grek, Kyriakos Mitsotakis, ka qenë ndër të parët që ka marrë vaksinën anti-Covid menjëherë pas mbërritjes së dozave të para dhe shpërndarjes së tyre.
Ashtu siç edhe kishte deklaruar më herët, se Mitsotakis dhe familja e tij do të ishin ndër të parët që do ta bënin vaksinën anti-Covid.
“Plotësisht pa dhimbje”, kështu ka deklaruar kryeministri i Greqisë menjëherë pas marrjes së dozës së parë.
“Kjo është një ditë e rëndësishme për të gjithë ne, sot mund të jemi optimistë,” shtoi ai.
Personi i parë në Greqi që u vaksinua ishte Efstathia Kambissiouli, kryeinfermiere e njësive të kujdesit intensiv në spitalin Evangelismos të Athinës.
