Policia kriminale, në koordinim me sektorët për punë të brendshme në Shkup, Manastir, Tetovë dhe Kumanovë, organizuan sot 11 kontrolle dhe arrestuan shtatë persona nën dyshimin për shitje të kovid-testeve false.
Ministria e Punëve të Brendshme njoftoi se gjatë kontrolleve janë sekuestruar celularë, kompjuterë personalë, lap top kompjuterë, kartela memorie, 118 bllanko marrëveshje, 13 të plotësuara me të dhëna të ndryshme, katër PCR-teste negative, vula, faksimile nga noterë austriakë etj.
Pas dokumentimit të rastit, deri tek prokuroritë kompetente do të dorëzohen kallëzime penale sipas nenit 378 të Kodi Penal për falsifikim të dokumentacionit.
