Presidenti i Partizanit, Gaz Demi ka dhënë një intervistë për Ora News, ku ka folur për shumë tema.
Numri një i të kuqve u shpreh i kënaqur me atë çka ekipi ka dhënë në fazën e pare. I pyetur për mundësinë e zhbllokimit të merkatos nga CAS, ai është optimist. Diçka u tha edhe për trajnerin Daja, të cilit ai i jep notën 10.
Sa i përket objektivave, përgjigja është mjaft e qartë. Demi “shuan” zërat që e shohin Asanin larg Partizanit, përjashtuar këtu ndonjë ofertë faraonike.
Performanca e skuadrës në fazën e parë – Me atë që ndodhi në sezonin e kaluar, jam i kënaqur. Pavarësisht dënimit të UEFA, kemi bërë blerjen më të mirë të gjithë viteve të mia si President dhe ky është Ilir Daja. Të jem korrekt, që me ardhjen e Dajës, kam patur besim që Partizani edhe me mbylljen e merkatos, do jetë në rrugën e duhur. Me ato që ndodhën, nuk do ishte Partizani që ka qenë gjithmonë. Me Dajën kemi bërë zgjedhjen e duhur dhe do ecim shumë mirë.
Objektivi i Partizanit– I kam thënë edhe Dajës, nuk ka trysni për objektiv. Dëshira ime është prezenca në Kupat e Europës. Daja është optimist, e ne do ja lemë kohës. Unë mendoj që presioni te Daja do jetë zero, por me atë trajner me dinjitet, minimalisht të na nxjerri në Kupat e Europës. Partizani futet gjithmonë me objektiva. Unë jam përkushtuar më shumë përfundimit të investimit, pasi të gjithë e dinë që ne kemi qenë pa shtëpi dhe katandi.
Përgjigja e CAS-Olsi më ka informuar se çdo gjë ka qenë pozitive. Besoj se edhe gjyqtarët kanë kuptuar se ka diçka që nuk shkon. Deri në fund të vitit shpresoj të dali pafajsia.
E ardhmja e Jasir Asanit- Asani është në kontratë me Partizanin. Ata (Familjarët) më kanë thënë që sa edhe sa vjet e do te Partizani. Nëse Asani do gjejë kushte më të mira, ne nuk duam t’i prishim anën ekonomike të lojtarëve tanë. Ai është i joni edhe do jetë deri sa të vijë një ofertë serioze.
