Institucionet shëndetësore në Kosovë kanë njoftuar se nga COVID-19, kanë vdekur edhe gjashtë persona, në 24 orët e fundit.
Të Enjten, në raportin ditor të Institutit Kombëtar të Shëndetësisë Publike (IKSHPK), thuhet se nga 1 287 testime, janë regjistruar si të infektuar me koronavirus 309 persona.
Nga sëmundja janë shëruar edhe 546 pacientë, ndërsa raste aktive aktualisht janë 10 478.
Që prej 13 marsit, e deri më 24 dhjetor, në Kosovë janë regjistruar 49 866 raste me koronavirus. Prej tyre, 1 290 pacientë kanë vdekur dhe 38 118 të tjerë kanë mposhtur COVID-19.
