Presidenti Ilir Meta deklaroi se ka ende punë për të bërë funksionale Gjykatën Kushtetuese.
“Presidenti ka bërë çdo përpjekje që Shqipëria të mos ngelet pa një Gjykatë Kushtetuese funksionale. Por ka ende punë për tu bërë funksionale. Do mbështes pavarësinë e këtij institucioni dhe institucioneve të tjera”, tha Meta në një prononcim për gazetarët.
Sot, në Presidencë, u bë betimi i gjyqtarit të gjashtë të Kushtetueses, Përparim Kalo.
Po kush ishte pengesa që Gjykata su ngrit për gati 3 vjet dhe kush u tërhoq tani?
Meta u shpreh: “Nuk ekziston asnjë tërheqje nga ana e presidentit sa i takon kushtetutshmërisë së këtij procesi. Ky proces ka patur dhe ka mangësitë e tij nga pikëpamja e ligjit. Çdo spekullim për të krahasuar situatën aktuale me atë kur ndodhi përplasja e presidentit me të kaluarën me parlamentin është e pavend, pasui në atë rast kishim një përpjekje për të rrëmbyer në mënyrë kriminale e mafioze një anëtar të Gjykatës Kushtetuese që i takonte presidentit ta merrte maxhoranca. Komisioni i Venecias e bëri të qartë se kush e shkaktoi incidentin që u bë i qëllimshëm. Presidenti ka vepruar në mënyrën më të shpejtë të mundshme dhe ka qenë gjithmonë bashkëpunues.“
