Ambasadorja e SHBA-ve në Tiranë, Yuri Kim ka reaguar nëpërmjet një ‘Twitter’ mbi deklaratën e kreut të SPAK Arben Kraja mbi funksionimin e SPAK-ut dhe mbështetjen e që do të ketë nga Amerika për të arritur rezultate konkrete në 2021.
Ambasadorja Kim theksoi se ky institucion do ti japë fund pandeshkueshmërisë të kriminelëve në Shqipëri. Ambasadorja tha se SHBA do të mbështesë fuqishëm SPAK në këtë rrugëtim.
‘Në 1 vjetorin e SPAK , Kryeprokurori Arben Kraja iu përgjigj të gjitha pyetjeve se si do të funksionojë SPAK, për ti dhënë fund mosndëshkimin të kriminelëve. SHBA mbështet SPAK-un që të arrijë rezultate në 2021’- shkruan ambasadorja Yuri Kim.
Ndërkohë ditën e djeshme kreu i SPAK, Arben Kraja ka shkundur politikën shqiptare, ku ka folur për here të parë për emisionin ‘31 Minuta’ në RTSH një rrëfim ekskluziv që zbardh anën e panjohur të drejtësisë që heton politikanët, zyrtarët e korruptuar të drejtësisë dhe emrat e krimit të organizuar që kanë sunduar jo pak herë Shqipërinë.
Ai ka bërë jo vetëm një bilanc të punës së këtij institucioni përgjatë 1 viti që kur ai u themelua, por ka folur edhe për sfidat me të cilat përballet ky institucion, ndërthurja e krimit me politikën, grupet kriminale, bashkëpunimi me partnerët ndërkombëtarë etj.
Por ajo që ai ka nënvizuar në këtë intervistë është se nuk ka më persona të paprekshëm përballë ligjit qofshin politikanë, zyrtarë të lartë apo kriminelë të çdo rangu.
