Një i ri është arrestuar nga policia e Korçës për veprat penale “Prodhimi, mbajtja, blerja apo shitja pa leje e armëve të ftohta” dhe “Kanosja për shkak të detyrës”.
Burime zyrtare nga policia bëjnë me dije se, E.F., 22 vjeç, banues në Korçë, pasi ka hyrë në ambientet e zyrës së pritjes së qytetarëve në Komisariatin e Policisë Korçë, në gjendje të dehur, ka fyer dhe ka kanosur për shkak të detyrës punonjësit e policisë, me një mjet të mprehtë i cili iu sekuestrua në cilësinë e provës materiale.
Në këto rrethana, u vu në pranga.
