Altin Binaj ka marrë detyrën si gjyqtari më i ri i Gjykatës Kushtetuese këtë të martë. Ditën e sotme, në Presidencë, u zhvilluar ceremonia e betimit të tij.
Pas ekzekutimit të himnit kombëtar, gjyqtari Binaj duke vendosur dorën mbi Kushtetutën e Shqipërisë u betua para Presidentit Meta: “Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë”.
Në ceremoninë solemne të betimit ishin të pranishëm Kryetari i Kuvendit të Shqipërisë, Gramoz Ruçi, kryetarja në detyrë e Gjykatës Kushtetuese, Vitore Tusha, Avokati i Popullit, Erinda Ballanca dhe drejtuesja e misionit OPDAT të Ambasadës së SHBA në Tiranë, Michelle Lakomy.
Presidenti Meta i uroi suksese dhe punë të mbarë anëtarit të ri të Gjykatës Kushtetuese në detyrën e tyre shumë të rëndësishme e me përgjegjësi të lartë.
Binaj është gjyqtari i pestë që zgjidhet për Gjykatën Kushtetuese. Ai ka qenë një kandidaturë e propozuar nga Kuvendi. Aktualisht anëtare me kompetencat e kryetarit në “Kushtetuese” është Vitore Tusha. Tre anëtarët e tjerë janë Elsa Toska, Marsida Xhaferllari dhe Fiona Papajorgji. Që Gjykata Kushtetuese të bëhet funksionale duhet edhe një anëtar. Vakanca e radhës do të plotësohet nga propozimet e Presidentit.
