Santiago Lara prej vitesh insiston se është djali biologjik i Diego Armando Maradonës dhe me vdekjen e legjendës së futbollit është rikthyer të flasë për këtë temë.
19-vjeçari thekson se nuk do zhvarrosjen e trupit të legjendës argjentinase, dhe se diçka e tillë është hedhur si hipotezë nga avokati i tij dhe jo nga ai vetë.
“Diego ka pasur një lidhje 5-vjeçare me mamanë time. Mamaja ishte 19 vjeçe dhe punonte si modele. Mbaj mbiemrin Lara për nder të personit që më rriti. Unë e njoha Diegon në një hotel në Palermo, ai e dinte se isha djali i tij, ishte kujdesur për gjithçka gjatë lindjes time në një spital privat.
Nuk mbaj mend shumë gjëra nga takimi me Diegon, pasi isha shumë i vogël. Unë nuk dua që të zhvarroset trupi i babait tim, nuk e kam dashur dhe s’e kërkuar kurrë këtë gjë. E hodhi avokati im si ide, jo unë. Tani do të pres që drejtësia të bëjë punë e vet.
Nuk dua ta marr farë ADN-në pas autopsisë. Një ëndërr e kam, dua të njoh Diego Armando Maradona Jr, i cili e ka pasur mundësinë për të njohur Diegon nga afër. Derisa të jem gjallë, trupi i babait tim nuk do të preket“, deklaron Santiago Lara.
