Kryeministri i Mbretërisë së Bashkuar Boris Johnson tha se nuk kemi “asnjë arsye për të menduar se varianti i ri i virusit është më i rrezikshëm se lloji ekzistues”.
Gjatë një konference për shtyp të Downing Street të hënën, këshilltari kryesor ahkencor i qeverisë së Mbretërisë së Bashkuar, Patrick Vallance, tha se ekzistojnë tre pyetje rreth variantit të ri. A transmetohet më lehtë? A e ndryshon rrjedhën e sëmundjes, dhe a e ndryshon aftësinë e sistemit imunitar për ta trajtuar atë tek njerëzit që kanë qenë tashmë të ekspozuar ndaj Covid-19 ose të vaksinuar?
Vallance tha se provat e hulumtuesëve tregojnë se transmetimi është rritur “ndjeshëm”, megjithëse nuk është ende e qartë saktësisht nga se ka ardhur kjo.
Sidoqoftë, ai tha se nuk ka asnjë provë se ajo ndryshon rrjedhën e sëmundjes dhe nuk ka asnjë provë që sugjeron që varianti nuk do të ketë të njëjtën ndjeshmëri ndaj sulmit të antitrupave nga një vaksinë ose ekspozimi i infeksionit para-ekzistues.
“Vaksina duket sikur duhet të jetë aq efektive dhe padyshim që po shikohet,” shtoi Vallance.
