Pasi e mposhti Messin në votimet e çmimit “The Best” nga FIFA, duke u renditur në vendin e dytë pas Lewandowskit, Ronaldo ka mposhtur sërish konkurrencën e Messit.
Portugezi ka marrë çmimin “Golden Foot”, çmim që i jepet futbollistëve mbi 28 vjeç, me një karrierë të suksesshme.
Në Instagram, CR7 shkroi: “Është nder për mua të fitoj Golden Foot dhe të përjetësohem në Monako, bashkë me disa nga legjendat më të mëdha të futbollit botëror. Dua të falënderoj të gjithë tifozët që votuan për mua”.
Ky ishte edicioni i 18-të i Golden Foot dhe sulmuesi 35-vjeçar është i pari portugez që e fiton këtë çmim. Në votim, CR7 la pas lojtarë si Leo Messi, Robert Lewandowski, Giorgio Chiellini, Neymar Jr., Sergio Ramos, Sergio Agüero, Gerard Piqué, Mohamed Salah dhe Arturo Vidal.
Fituesit e Golden Foot ndër vite:
- Roberto Baggio (2003)
- Pavel Nevded (2004)
- Andriy Shevchenko (2005)
- Ronaldo Nazario (2006)
- Alessandro Del Piero (2007)
- Roberto Carlos (2008)
- Ronaldinho (2009)
- Francesco Totti (2010)
- Ryan Giggs (2011)
- Zlatan Ibrahimovic (2012)
- Didier Drogba (2013)
- Andrés Iniesta (2014)
- Samuel Eto’o (2015)
- Gianluigi Buffon (2016))
- Iker Casillas (2017)
- Edison Cavani (2018)
- Luka Modric (2019).
