Genoa ka vendosur ta shkarkojë trajnerin Rolando Maran. Humbja e së dielës pasdite kundër Benevento ishte vendimtare për këtë hap. Disfata e hidhur 2-0 e shqetësoi edhe më shumë ekipin ligurian.
Vetëm Crotone është më keq për pike në Serie A. Në 13 ndeshje, Genoa ka arritur vetëm 7 pikë dhe më keq se ta në Serie A është vetëm Crotone.
“Genoa njofton se e ka shkarkuar trajnerin Rolando Maran nga posti i tij. Klubi falënderon trajnerin dhe stafin e tij për angazhimin e tyre.” – thuhet në njoftimin për shtyp të klubit.
Për Maran kjo është përvoja e dytë që përfundon me shkarkim. Marsin e kaluar u largua nga Cagliari, pas një fillimi të shkëlqyeshëm. “Gjuetia” për zëvendësin e tij tashmë ka nisur.
Sipas “Sky Sport”, favoriti numër një do të ishte Davide Ballardini. Genoa do të dalë sërish në fushë të mërkurën në mbrëmje, në orën 20:45, kur do të sfidojë Spezia në një derbi rajonal.
